Josuneren motoz ez egiteko 28 arrazoiak eta Keparen motoz egiteko arrazoi bakarra

 

JOSUNE dixit:

1. Ipurdiko min ikaragarria izango duzu denbora guztian.
2. Euri mehatxua badago, ekipaia plastikoekin estali behar da eta kriston lana da.
3. Hala ere, euria egiten badu, dena busti egiten zara.
4. Beroa egiten duenean, kiskali egiten zara.
5. Elkarrekin mintzatzeko interkomunikadorea erabilita ere, oso zaila da elkar ulertzea.
6. Denbora guztian kaskoa eraman behar da.
7. Denbora guztian kazadora astun bat eraman behar da.
8. Denbora guztian eskularruak eraman behar dira.
9. Denbora guztian praka bakeroak eraman behar dira.
10. Denbora guztian botak eraman behar dira.
11. ...nahiz eta basamortuan egon 40ºC tenperaturarekin.
12. Haizeak zure planoak apurtuko ditu eta ezin dira ondo zabaldu moto gainean.
13. Motoaren gainean ezin da siestarik egin.
14. Oso ekipai txikia eraman behar da eta hala ere, gainezka joan behar.
15. Ezin dira opariak erosi bidean, non garraiatzerik ez badago.
16. Goizero 30 minutu igaro behar dira motoaren gainean traste guztiak ipintzen.
17. Zenbait errepidetan ezin da sartu, errepide baino gehiago pistak direlako: Monument Valley.
18. Mototik erortzea ere ez da hain zaila.
19. Kaskoa eramanda, zure ileak beti daude gaizki eta argazkietan ez zara ondo aterako.
20. Ezin da irratia edota eguraldiaren berri entzun. Soilik partaidea abesten interkom-etik (gogoa duenean)
21. Motoa zaindu behar dela eta, askotan zenbait toki bananduta bisitatu egin behar dira.
22. Hankak posturagatik nekatuta edukita ere, ezin dira gustura mugitu.
23. Semaforoetan kotxe guztien kea irentsiko duzu.
24. Ezin da drive thru jatetxeetara joan (McAutoaren antzekoak)
25. Ezin zara profitatu zenbait gasolindegietan eskaintzen dizuten doaneko kotxe garbiketaz.
26. Haizeak jotzen duenean gaizki pasako duzu eta gainera oso arriskutsua da.
27. Ezin da janaria barra-barra erosi, non eramaterik ez baitago.
28. Lo egiteko tokia aurkitu ezean, arazotan zaude: ezin da motoan lo egin.

 

 

KEPA-k aldiz:

 

Motozalea bazara aurreko arrazoi guztiak ezagutzen dituzu eta ez zaizkizu inporta. Motoaren gainean joatea bezalakorik ez dagoela ederki asko dakizu.

 

Motozalea ez bazara, aldiz, aurreko guztiak egia dira eta hobe duzu kotxean joan. Hori bai, ahal baduzu, “convertible” batetan joan...