01/08/05 Tulsa (OK) – Clinton (OK) 390 km

Igandea izanik eguna oso ondo hasi zen. Tulsan gosaldu genuen dinner batetan. Honelako tokien bila abiatu ginen gure bidaian, alajaina! Konprobatu ahal izan dugunez, nahiz eta honelako toki batetan gosaldu, ez zaigu askoz garestiago atera, ohiko gure supermerkatu erosketekin alderatuz gero.

Tripak beteta aurrera jarraitu genuen. Urteko sasoi horretan, tenperaturak oso altuak ziren. Oklahomako zati hau da gure bidean aurkituko dugun beroenetakoa eta goizean goiz ateratzeko asmoa badugu ere, azkenean berandutu egiten zitzaigun eta ondorioz beroak itota ibili behar izaten genuen. Stoud-en gure informazioen arabera 24 orduz irekita dagoen kafe bat dago, Rock Café. Baina... igandetan itxita omen zegoen gure kalterako. Berriro ere zorte txarra. Ikusteak pena merezi omen du. Frentean dagoen gasolindegi batetan gelditu ginen eta Josune kristaletik begiratu egin zuen (berriro kuxkuxeatzen). Polita omen zen.

Eguerdiko lehendabiziko orduetan sartzen gara Oklahoma City-n barrena. Hiria hilik dagoela ematen du. Hemen gertatu zen bulego federal baten kontra Timothy McVeigh-ek egin zuen atentatua. Udan zehar gertaera egunkari zein telebista kate guztietan gogoratu zen atentatua, egilea aulkian eseri baitzuten. Eraikin federal dexente ikusi genituen baina gertaeraren omenez altxatutako memoriala ez genuen ikusi eta kaleetan apenas zegoen inor galdetzeko.

Beraz, aurrera jarraitu genuen eta nahiko goiz iritsi ginen Clinton-era. Hori zela eta, bertako Route 66 museoa ikusi egin genuen. Errepide mitikoaren garai ezberdinak nahiko ondo aztertuta daude bertan. Bideo bat ere ikusi genuen. Nik nahiko irakurrita nuen errepideari buruz, baina Josunek asko ikasi zuen. Gainera, bertan ikusitako hainbat paisaiekin maitemindu zen eta noiz iritsi behar genuen bertara galdezka hasi zen. Gehienbat Santa Monikako palmerak eta mendixka beltzak izeneko pasartea gustatu zitzaizkion.

Museoaren frentean dagoen motel batetan Elvis-ek lo egin omen zuen aspaldian eta hori dela eta logelak dexente garestiak dira. Guk, aldiz, kanpoan oso seinale polita zuen motel bat aukeratu genuen “The Glancy”. Gure asmoa kanpinera joatea zen, baina egunean zehar bero dexente pasa eta gero, Josunek haize egokitua nahi zuen. Clinton herri txikia da eta afaltzeko aukera handirik ez zegoen, azkenean pizzeria batetan sartu ginen eta ondo, besterik gabe (Marzio´s Pizza).

Gero buelta motelera eta eguneko Weather channel ordu erdia ikusi eta gero, hurrengo eguneko planak egin eta lotara.